Edhe pse ndodhemi në një gjendje të jashtëzakonshme në vend prej përhapjes së koronavirusit, në zonën e Selitës banorët kanë bllokuar rrugën duke protestuar.
Ngjarja po ndodh 100 m mbi karburantin e ndodhur në Selitë, ku sipas burimeve, banorët po zhvillojnë protestën për rrugën e prishur.
Kujtojmë se Tirana është zonë e kuqe dhe lejohet të leëvizet deri në orën 17:30. Gjithashtu në vend është e ndaluar të organizohen tubime dhe protesta sepse mund të jenë burim i mundshëm përhapjeje e COVID-19 dhe ato dënohen me gjobë bazuar në rregullat e vendosura nga qeveria.
Policia e kryeqytetit ka mbërritur në vend pë të shpërndarë qytetarët e mbledhur.