Shihemi nesër në 16:30″! Me këtë fjali të regjisorit Robert Budina është mbyllur protesta prej më shumë se 12 orësh e artistëve, qytetarëve dhe politikanëve që u rreshtuan hapur kundër shembjes së Teatrit. Protesta do të vijojë ditën e nesërme në orën 16:30 para Ministrisë së Brendshme, kundër policëve me kauzën e re të Aleancës për Mbrojtjen e Teatrit “kundër vrasjes që qytetarëve”, pasi akuzojnë efektivët blu se kanë nisur shembjen kur brenda godinës ka pasur njerëz. Edhe pse godina e Teatrit Kombëtar u shemb, ato e quajnë një fitore gjithçka ndodh këtë të dielë, pasi sipas tyre nxorrën në pah “fytyrën e vërtetë të kësaj qeverie që ka qëllime mafioze”.
12 orë protestë u shoqërua ne përplasje, tension me policinë, të shoqëruar në Komisariate, mes tyre qytetarë, artist dhe përfaqësues politik, si Neritan Liçaj, Rebert Budina, 3 ish-deputetët e LSI, Silva Caka, Floida Kërpaçi dhe Endrit Brahimllari, kryetarja Monika Kryemadhi, kreu i FRPD-së, Belind Këlliçi, dhe gazetari Alfred Lela. Media solli video nga momenti shoqërimit të tij, që tentoi të pengonte shoqërimin e ish-deputetes së LSI-së Silva Caka. Ata tentuan të marrin barrierat metalike për t’i larguar dhe çarë rrethimin e policisë. I menjëhershëm ka qene reagimi i forcave të rendit duke ndërhyrë dhe larguar qytetarët. Policia përdori gaz lotsjellës për shpërndarjen e turmës.
Aty kur u duk se situata po shkonte drejt normalitetit, pasdite rreth orës 16:00, nisi vala e dytë e përplasjes. Disa të rinj u shoqëruan në Komisariat pasi bllokuan për disa minuta rrugën përballë Ministrisë së Financave. Kjo u bë shkak për rindezjen e tensionit mes qytetarëve dhe policisë, të cilëve iu bashkuan më pas edhe eksponentë të forcave opozitare. Në fillim mbërriti kryetarja e LS-së, Monika Kryemadhi, e cila u ul këmbëkryq në rrugë në shenjë solidarizimi me të rinjtë, ku nuk i kurseu akuzat për gazetarët dhe mediat, e ndërsa nga fjalimi i saj, spikati deklarata “do ia ha veshin Ramës”. Disa minuta më vonë mbërritur kreu i PD-së, Lulzim Basha që iu bashkua në rrugë Kryemadhit, ku me një gjuhë më diplomate, iu bëri thirrje qytetarëve për t’iu bashkuar protestës.