Të shtëna me armë janë dëgjuar pranë komisariatit nr.2 në Tiranë, teksa kanë përhapur panik tek kalimtarët e banorët e zonës.
Informacionet paraprake bëjnë të ditur se ka pasur përplasje mes dy grupeve, por nuk dihet ende asgjë më shumë.
Ato që u raportuan fillimisht si të shtëna me armë mes dy grupeve, në fakt ka qenë një atentat ndaj një personi. Arben Bilali, një ish punonjës policie, u qëllua me armë nga një mjet, i cili u largua me shpejtësi.
Ato që u raportuan fillimisht si të shtëna me armë mes dy grupeve, në fakt ka qenë një atentat ndaj një personi. Arben Bilali, një ish punonjës policie, u qëllua me armë nga një mjet, i cili u largua me shpejtësi.
Ngjarja ndodhi shumë afër komisariatit nr.2, në zonën e Tiranës së Re. Mësohet se Bilali, rreth 50 vjeç mbeti i plagosur, por humbi jetën në spital për shkak të plagëve të marra.
Ndaj Bilalit është bërë një tjetër atentat në maj të 2010, por që fatmirësisht i shpëtoi plumbave. Në atë kohë, në ngjarjen e ndodhur pranë stadiumit “Selman Stërmasi”, u tha se gjithçka kishte nisur nga një sherr me motive banale. Një tjetër fakt tronditës është se në të njëjtin vend është ekzekutuar edhe vëllai i tij disa vite më parë.
Ndërsa policia njofton: Rreth orës 14:35 në zonën e Selitës është plagosur me armë zjarri një shtetas i moshës rreth 50-vjeç, i cili ndërroi jetë në spital. Policia po punon për identifikimin dhe kapjen e autorit.