Ndarja nga jeta ish-trajnerit të Interit Gigi Simoni, ka trishtuar të gjithë ambjentin zikaltër, përfshirë edhe futbollistin e Kombëtares shqiptare Rey Manaj. 81 vjeçari u nda nga jeta pas një goditje në tru,por ish-trajneri prej një viti ishte i shtruar në spital. Deri në vitin 2015 ishte presidenti i Kremonezes, ku pjesë të skuadrës kishte edhe Rei Manajn, të cilin më pas ia shiti Interit. Ndërkohë së fundmi nëpërmjet një postimi në faqen zyrtarë në “Instagram”, sulmuesi i Kombëtares shprehu hidhërimin e tij për ndarjen nga jeta të ish-presidentit duke shkruar:
“I dashur president, sot është një ditë shumë e errët për të gjithë dashamirësit e tu. Dua të të falënderoj për gjithçka ke bërë për mua. Ti gjithmonë më prite si djalin tënd dhe provove të më ndihmoje. Jam krenar që kisha një udhërrëfyes si ty, i respektueshëm, inteligjent. Tani nuk mund të gjej fjalët e duhura, më fal president. Faleminderit dhe faleminderit përsëri”,-shkruan Rei.