Vetëm pak minuta pas mesnate 25-vjeçari Kristian Breshaj nga Vlora u ekzekutua me armë zjarri pranë derës së shtëpisë së tij.
Mësohet se 25-vjeçari kishte vetëm 3 muaj që ishte kthyer nga Belgjika. Pas ngjarjes së rëndë autorët kanë djegur makinën tip BMW me targa greke, brenda së cilës u gjet dhe arma e krimit, tip kallashnikov.
Deklarata e policisë
Vlorë
Në lagjen “Uji i Ftohtë”, pranë zonës së quajtur “7 pallatet”, në rrethana ende të paqarta është vrarë në rrugë dyshohet me armë zjarri shtetasi K. B., 25 vjeç.
Forca të shumta të policisë kanë shkuar menjëherë në vendngjarje, janë ngritën pika kontrolli dhe vijon krehja e zonës për kapjen e autorit/ëve.
Gjatë krehjes së zonës, në një nga rrugicat e lagjes “10 Korriku” Vlorë, shërbimet e Policisë kanë konstatuar në flakë një automjet, brenda të cilit është gjetur një armë zjarri automatik kallashnikov, e cila dyshohet të jetë arma e krimit.
Policia e Vlorës ka nisur të shoqërojë persona që mund të kenë dijeni për rrethanat e krimit.
Grupi hetimor nën drejtimin e Prokurorisë vijon punën për grumbullimin e çdo prove të vlefshme me qëllim zbardhjen e rrethanave të ngjarjes, identifikimin dhe kapjen e autorit/ëve.