Shkencëtarët po bëjnë një testim për të parë nëse ibuprofeni ndihmon pacientët e shtruar në spital që janë të sëmurë me koronavirus.
Grupi i shkencëtarëve i spitalit të London’s Guy’s and St Thomas’ dhe King’s College besojnë se ilaçi, i cili është një antiinflamator dhe qetësues, mund të trajtojë vështirësitë në frymëmarrje. Ata shpresojnë se një trajtim i tillë me kosto të ulët do i shpëtonte pacientët nga intubimi.
Testimi quhet Liberate, dhe gjysma e pacientëve do të marrin ibuprofen përveç kujdesit të zakonshëm. Shkencëtarët do të përdorin një formulim të veçantë të ibuprofenit dhe jo tabletat e zakonshme që përdornin njerëzit. Disa persona e marrin aktualisht këtë formë me kapsula lipide për artritin.
Studimet te kafshët sugjerojnë se ajo mund të trajtojë sindromën akute respiratore, një nga komplikacionet e rënda të koronavirusit.
Prof Mitul Mehta, një nga pjestarët e grupit të shkencëtarëve të King’s College London, thotë: Na duhet të bëjmë një testim për të treguar se të dhënat aktuale përputhen me ato që në presim të ndodhin”.
Më herët gjatë pandemisë pati shqetësime se ibuprofeni mund të përkeqësonte gjendjen, nëse personi do të kishte simptoma të lehta të sëmundjes.
Kjo u theksua më tepër pas thirrjes së ministrit francez të Shëndetësisë Oliver Veran i cili tha se marrja e ilaçeve josteroide antinflamatore (AIJS) si ibuprofeni, mund të përkeqësojë infeksionin duke këshilluar pacientët të merrnin paracetamol.
Por një rishikim nga Komisioni për Ilaçet e Njeriut arriti shpejt në përfundimin e saj se ashtu si paracetamoli ishte i sigurtë për të trajtuar simptomat e koronavirusit. Të dyja ulin temperaturën dhe ndihmojnë në simptomat e ngjashme me gripin.
Në Britaninë e Madhe, për simptomat e lehta të koronavirusit, NHS këshillon të përdoret fillimisht paracetamoli pasi ka më pak efekte anësore se ibuprofeni dhe është zgjidhja më e sigurtë për shumë njerëz. Për shembull nuk mund të marrësh ibuprofen nëse ke ulcer të stomakut. / MeMjekun.com