Një aksident i rëndë është regjistruar pasditen e sotme në qytetin e Lezhës.
Mësohet se një makinë policie është aksidentuar teksa ndiqte një të kërkuar.
Lekë Përjaku është i kërkuari të cilin makina e Policisë po ndiqte në aksin Lezhë- Zejmen derisa përfundoi jashtë rruge.
Ngjarja ka ndodhur në aksin rrugor dytësor Lezhë – Zejmen, në fshatin Spiten, ku gjatë ndjekjes së automjetit me targa AA262UJ, në të cilin dyshohej se udhëtonte një person i armatosur, ka dalë nga rruga automjeti i autopatrullës “Shqiponja”, Hunday, me targa AA911VE.
Makina e policisë drejtohej nga punonjësi K.N.
Për fat të mirë nuk ka persona të dëmtuar, por vetëm dëme materiale, sqaron policia.
Si drejtues i mjetit me targa AA262UJ është identifikuar shtetasi L. P banues në Spiten.