U bë goxha debat nëpër rrjetet sociale kur Arbana Osmani tregoi se në puntatën e kësaj të shtune do të ishte një vajzë që ishte përdhunuar që 12-vjeçe e cila do fliste me zë e figurë.
Fillimisht ajo u keqkuptua dhe shumë persona i bënë thirrje Arbanës të mos publikohej historia në “Dua të të bëj të lumtur”, mirëpo më vonë, moderatorja sqaroi se vajza tani është 27-vjeçe.
Pak më parë është publikuar dhe promoja e puntatës që do të transmetohet nesër, ku Adriana tregon se si është përdhunuar nga roja dhe polici ku ka bërë denoncimin.
Arbana, po ashtu sqaron se dosja e Adrianës ka shkuar në polici dhe organet kompetente kanë marrë nën mbrojtje atë.