Ministri i Brendshëm, Sandër Lleshaj, ka reaguar lidhur me arrestimin e Izmir Durakut, pas akuzave se ai ka përdhunuar një të mitur.
“Ne po punojmë këto ditë e këto orë për të zhvilluar një instrument të ri që do trajtojë këtë fenomen të dhunës ndaj të miturës duke gjetur rrugë të reja, ndërtuar struktura që do mund të bëjnë bashkë energjitë e shumë aktorëve, shkollës, shoqërisë civile që kjo cvështje të merret në kontroll shumë të fortë, shpejt do kemi zhvillime të reja, por ajo që ka rëndësi është krijimi i klimës së lirisë për të denoncuar e këtu i bëj thirrje medias se shpesh njerëzit i druhen denoncimit edhe për shkak të mediatizimit të gjerë të cështjes se viktimat reale i druhen se gjithcka që do flasin do artikulohet në media, e do artikulohet me qindra herë. I kam ndjekur me trishtim këto ditë lajmet e pafundme për një rast shfrytëzim prostitucioni në Shqipërinë Qëndrore ku në mënyrë të habitshme, pasqyrohen të gjitha dialogjet e dosjes së prokurorisë në media me precizion deri pervers të të gjitha detajeve, dialogjeve e SMS-ve, është e rëndësishme e rastin ti bëj thirrje medias të mundohet ti ruajë nga publiciteti detajet e rasteve se kështu i frenojmë viktimat për të denoncuar. Pa denoncim s’ka reagim“, tha Lleshaj.