Një 60-vjeçar ka humbur jetën pas një aksidenti të rëndë në fshatin Vasie të Dibrës.
Ngjarja ka ndodhur rreth orës 11:45 të ditës së sotme, 5 nëntor, teksa burri, me profesion elektricist, po kryente punime për vendosjen e një shtylle elektrike. Gjatë punës, dyshohet se shtylla është rrëzuar dhe e ka zënë poshtë 60-vjeçarin.
Ai ka marrë dëmtime të rënda dhe, pavarësisht transportimit në spital, nuk ka mundur t’u mbijetojë plagëve.
Në vendngjarje kanë mbërritur shërbimet e Policisë dhe grupi hetimor, të cilët po punojnë për të zbardhur rrethanat dhe shkaqet e plota të këtij aksidenti tragjik.