Kryetari i Partisë Demokratike Lulzim Basha ka vijuar turin e takimeve me biznesin e prekur nga pandemia e COVID-19. Basha e shfrytëzoi takimin për të bërë batuta me njërën nga tregtaret. Kryedemokrati e siguroi se në kamera dilte mirë sepse ishte fotozhenike. Ndërsa në momentin kur ajo e pyeti, nëse do t’i jepte paratë e humbura biznesit, Basha qeshi dhe nuk e komentoi drejtpërdrejt. Basha u pyet edhe për çështjen e pronave, dhe tha se për këtë çështje do të flasë më vonë.
Pjesë nga biseda:
Basha: Je shumë fotozhenike. Përshëndetje të dashur miq.
Gruaja Beshiri: Më ke kapur vetëm kaptinën.
Basha: Ja të kapa të gjithën tani. Jemi këtu në zemër të Tironës.
Beshiri: Jemi këtu tek dyqani im, dyqani i Beshirëve. S’kemi marrë kokërr leku.
Basha: Bizneset janë në vështirësi të dyfishtë. E thotë Zonja, ja hallexhiu e thotë edhe më mirë se unë.
Beshiri: Të na kthejë lekët o vëlla që na mbajti. Si t’ja kërkojë unë qiraxhiut se gjynah edhe ai. Dola mora pare borxh unë për ato dy muaj. Ishalla kur të vini ju na i jepni ato lekë (Shkel syrin), apo s’do na i ktheni?
Basha qesh…
Beshiri: Po për pronat ça do bëni?
Basha: Dale për pronat, kemi biznesin. Gjëja e parë që do të bëjmë do anulojmë ligjin. Po prit pak për pronat, flasim pak për biznesin tani.