Moderatorja e njohur Fjoralba Ponari ka rrëfyer mëngjesin e sotëm në Wake Up një ngjarje të trishtë nga jeta e saj teksa tema e diskutimit ishte në lidhje me ngacmimet e ndryshme. Ajo ka folur për një incident të tmerrshëm që i ka ndodhur disa vite më parë, kur ishte thjesht studente.
“Kam qenë në vit të parë të shkollës së lartë kur jam sulmuar fizikisht. Kam qenë nën kërcënimin e një thike… Agresori im ishte në gjendje të dehur dhe në ato kushte nuk e di sesi mund të kishte përfunduar. Fatmirësisht aty u ndodhën dy zotërinj që më ndihmuan. Agresori im ishte me kapele dhe nuk e denoncoja dot, pasi zëre se po denoncoja një fantazëm. Në atë kohë kam kaluar ankthe shumë të mëdha”.- tregon Ponari.
Kjo situatë pati dëme psikologjike tepër të mëdha, të cilat e çuan moderatoren të ndiqej me seanca private nga psikologu.Mbështetja më e madhe për të kaluar këtë gjendje, ka qenë nga prindërit e saj, duke qenë se ata janë mjekë me profesion.