Ministria e Shëndetësisë bëri të ditur në përditësimin e saj se një 59-vjeçar ka ndërruar jetë mëngjesin e sotëm në spitalin infektiv.
Mësohet se ai ishte i shtruar prej 6 ditësh në terapi intensive dhe nuk ka mundur të mbijetojë.
“Mëngjesin e sotëm ka ndërruar jetë në spitalin infektiv një pacient 59 vjeçar nga Lushnja, i shtruar prej 6 ditësh në terapi intensive, i konfirmuar me Covid19. 59-vjeçari vuante nga Kardiomiopati e dilatuar, sëmundje renale kronike, diabet mellitus, anemi. Pas asistencës së madhe të stafit mjekësor në terapi intensive, 59 vjeçari nuk ka mundur të mbijetojë. Ministria e Shëndetësisë i shpreh ngushëllime familjarëve të të ndjerit”, bëri me dije ministria.