Një banesë është djegur tërësisht, së bashku me orenditë shtëpiake, pasditen e sotme në Gjirokastër.
Mësohet se banesa e djegur ishte në pronësi të personit të identifikuar si Tafil Tafili, ndërsa paraprakisht dyshohet për zjarrvënie të qëllimshme.
Ka qenë gjyshi i Tafil Tafilit, një 75-vjeçar i sëmurë mendor, që i ka vënë zjarrin banesës së nipit në momentin që aty nuk kishte njeri.
Forcat zjarrfikëse kanë shkuar në vendngjarje, ndërsa policia po heton për zbardhjen e plotë të saj.