Videot janë ndër provat me të rëndësishme që policia ka siguruar për të bërë të mundur zbardhjen e vrasjes së Hekuran Billës, ngjarje e ndodhur me 11 qershor në zonën e komunës së Parisit.
Fillimisht është videoja e një kamere sigurie ne afërsi të qendrës tregtare që ka dokumentuar vrasjen, ndonëse nuk ka xhiruar autorët gjatë momentit të ekzekutimit.
Në këtë video shfaqen autorët të cilët pasi kryejnë atentatin kthehen nga drejtimi që hanë ardhur për tu larguar rrugica e, dhe më pas në unaze për të përfunduar në fshatin Pezë e vogël ku dhe dogjën automjetin.
Video tjetër e rëndësishme e sekuestruar nga kamerat e sigurisë pamje pak momente para vrasjes së Hekuran Billës, ku shfaqet automjeti i tij tip BMW X6.
Një automjet tip Benz e ndjek nga prapa, i cili nuk i përket ekzekutorëve, por që sipas policisë është përdorur nga bashkëpunëtorët në rolin e informatorëve.
Këto dy video kanë bërë të mundur identifikimin e autoreve që çoi dhe në arrestimin e 22 vjeçarit Sebastian Mali, nipit të Prel Markut të vrarë në vitin 2006 në Angli nga Hekuran Billa i njohur dhe si Hernald Bilali.
Policia shprehet se është bashkëpunëtor i krimit, por ka edhe dyshime të forta që mund të jetë ekzekutori.
Në kërkim vijon të jetë vëlla i Prel Markut, Viktori i cili akuzohet se ka hartuar planin për hakmarrjen e të vëllait.
Pista kryesore e vrasjes është ajo e hakmarrjes, por po hetohet dhe konflikte të mundshme të Billes në Angli dhe në Belgjikë.
Hekuran Billa u qëllua për vdekje mbrëmjen e 11 qershorit, ndaj të cilit u shtënë 30 plumba, 2 prej të cilëve e kapën, një në kokë dhe një në trup, duke i shkaktuar vdekjen e menjëhershme.