Përmeti dhe Pogradeci ishin ndër qytetet që nuk u prekën nga koronavirusi, të paktën deri tani. Sipas asaj që bëri të ditur Ministria e Shëndetësisë, raste të reja janë shënuar dhe në këto dy qytete.
Mësohet se rasti i parë në Përmet është kontakt i policit përmetar në Elbasan. Mësohet se 60 vjeçari i prekur ka qënë bashkë me policin në një festë në Frashër.
Ndërsa në Pogradec, bëhet e ditur se janë 3 raste të cilat janë të shpërndara brenda qytetit.
Sipas të dhënave këto raste nuk kanë patur kontakte dhe as kanë marrë shërbim mjekësor në QSUT.
Nga Pogradeci u dërguan 8 tampone nga të cilat ditën e sotme dolën 3 pozitivë.
Nga ana e mjekëve epidemiologë po behet hetimi dhe izolimi i familjarëve apo kontakteve të afërta të te 3 rasteve.