Një ngjarje e rëndë ka ndodhur në shtetin fqinj, Greqi. Një fëmijë vetëm 12-vjeç ra pre e dhunës së babait të një shokut të klasës në Peristeri.
Pamjet e filmuara kanë ngjallur zemëratë duke rikthyer akuzat për sulm me përmbajtje raciste duke qenë se fëmija është shqiptar.
Në pamjet e filmuara prej mediave greke duket fëmija shtrirë përtokë ndërsa dhunohet nga babai i shokut të klasës.
Djali tregon se ai ka qënë thjesht duke shëtitur me biçikletë në momentin kur është sulmuar nga moshatari i tij dhe babai. Ndërsa familja e 12-vjeçarit pretendon se bëhet fjalë për një sulm racist dhe ka kërkuar ndëshkimin e autorëve.
“Babai i shokut të klasës më kapi prej flokësh dhe më goditi në kokë. Ai më mallkon për vendin tim dhe babai i tij dikur më bërtiti sepse ne kemi pasur përsëri një zënkë dhe këtë herë ai më kapi për flokësh.”- Kështu thotë në dëshminë e tij i mituri shqiptar. 12-vjeçari dhe shoku i tij i klasës shpesh kanë përplasje edhe brenda shkollës. Fëmija ka lindur në Greqi, ku prindërit e tij, të cilët vijnë nga Shqipëria, kanë jetuar për 30 vjet.
Pas sulmit fëmija u dërgua në spital ku dhe u gjet se kishte pësuar frakturë në qafë.
Prindërit e shqetësuar kanë menduar të ndërrojnë shkollën për djalin e tyre pasi vuan shpesh nga probleme të natyrës raciste.