Policia e Lushnjes ka vënë në pranga një 49-vjeçar nga Tirana duke sekuestruar dhe një sasi prej 6 kg kanabis. Në sajë të operacionit të koduar “Taksisti”, ai është vënë në pranga në vendin e quajtur “Pushimi i shoferit” me sasinë e drogës në mjetin e tij.
NJOFTIMI I PLOTE
Lushnjë
Finalizohet një tjetër operacion në fushën e narkotikëve, i koduar “Taksisti”.
Sekuestrohen 6 kg lëndë narkotike canabis sativa.
Bie në prangat e policisë poseduesi i lëndës narkotike.
Në vijim të punës për goditjen e veprimtarisë kriminale në fushën e narkotikëve, Specialistët për hetimin e narkotikëve në DVP Fier në bashkëpunim me shërbimet e Komisariatit të Policisë Lushnjë, kanë finalizuar me sukses një tjetër operacion antidrogë të koduar “Taksisti”.
Në kuadër të këtij operacioni, bazuar në informacione të marra në rrugë operative, u bë arrestimi në flagrancë i shtetasit O. M., 49 vjeç, banues në Tiranë, pasi në vendin e quajtur “Pushimi i shoferit”, gjatë kontrollit të automjetit të tij tip “Benz”, u gjetë dhe u sekuestrua në cilësinë e provës materiale 6 kg lëndë narkotike canabis sativa.
Materialet i kaluan Prokurorisë pranë Gjykatës së Shkallës së Parë Lushnjë për veprën penale “Prodhimi dhe shitja e narkotikëve”.