Real Madrid i është përgjigur sot Barcelonës me një fitore të rëndësishme përballë Majorkës, për të shkuar edhe një here në kreun e renditjes, të cilin e ndan me katalanasit në kuotë të barabartë pikësh.
Skuadra e Zinedin Zidan ka mundur 2-0 Majorkën, në një sfidë shumë të veçantë që do të kujtohet gjatë. Vinicius i dha avantazhin madrilenëve në pjesën e parë, ndërsa në të dytën, golin e realizoi Serxhio Ramos me një goditje dënimi të shkëlqyer. Ky ishte goli i 8 në këtë kampionat për të, ndërsa shkon në 10 për sezonin duke llogaritur edhe ata dy që shënoi në Ligën e Kampioneve.
Sakaq, ndeshja e sotme do të kujtohet gjatë edhe për debutimin e Luka Romero. Meksikani u aktivizua nga Majorka në pjesën e dytë të sfidës dhe në moshën 15 vjeç e 219 ditë, u bë lojtari më i ri në historinë e La Liga.
