Hermes Birkin është çanta më e shtrenjta në botë.
Një çantë e tillë u shit para disa vitesh në ankand për rreth 185 mijë euro! Ajo është pjesë e një edicioni të veçantë, që është koleksioni SoBlack prej lëkure krokodili të zi.
Kim Kardashian, Victoria Beckham dhe Celine Dion janë ndër emrat që janë shfaqur me çantën e rrallë “Himalaya” në krahët e tyre, ndërsa shumë emra të njohur kanë “Hermes Birkin” si pjesë të koleksioneve të tyre.
Por çfarë është kaq e veçantë në lidhje me këtë çantë kaq shumë të preferuar?
Jo të gjithë e dinë, por për të bërë një çantë të tillë duhen rreth 30 deri në 40 duar.
Përveç kësaj, për të qenë në gjendje të blini një të tillë ju duhet të vendoseni në listë pritjeje.
Por, pse ka marrë këtë emër kjo çantë?
Në vitin 1984 kur drejtori ekzekutiv i Hermes takoi aktoren Jane Birkin në një fluturim, ai i propozoi artistes që të krijojë një çantë të përshtatshme për të mbajtur biberonat e vajzës së saj. E tha, e bëri! Birkin deri më sot mbetet çanta absolutisht më luksoze në botë dhe natyrisht jo gjithkush mund ta përballojë çmimin e saj të kripur.
Çanta e 2008-s, “Himalaya Birkin”, me një çelës prej floriri 18 karatësh dhe një diamant brenda tij, tejkaloi çmimin fillestar prej 150 000 dollarësh. Rekordi për një çantë të shitur në ankand, gjithashtu një çantë “Hermes Birkin”, është 380 000 dollarë dhe është shitur në Hong Kong në 2017-ën.
“Është pa diskutim çanta më e vlerësuar në botë”, është shprehur shtëpia e ankandeve “Christie’s”.