Tre shqiptarë janë vënë në pranga nga policia italiane, pas një operacioni ku u sekuestruan 2 kilogramë kokainë dhe 68 mijë euro.
Të arrestuarit janë një djalë 24-vjeç, me origjinë shqiptare dhe nëna e tij, me banim në Gualdo Tadino, si dhe një 31-vjeçar shqiptar, shkruajnë mediat fqinje. Ende nuk bëhet me dije identiteti i tyre.
Hetimi nisi pas arrestimit të një 21-vjeçari, i cili ishte prangosur disa ditë më parë në shoqërinë e një bashkatdhetari tjetër. 24-vjeçari u ndalua, pas vëzhgimit për rreth dy ditë dhe u vu re se ai komunikoi me një tjetër person.
Të dy personat e dyshimtë u ndoqën derisa arritën para një shtëpie në qendër të Gualdo Tadino, ku një djalë u afrua me një zarf në dorë. Ata u futën në banesë dhe në këtë moment policia ndërhyri. Ata tentuan arratisjen, por u neutralizuan menjëherë.
Gjatë kontrollit në banesë policia gjeti dhe sekuestroi dy kilogramë kokainë dhe 68 mijë euro në dhomën e nënës. Të tre u arrestuan për mbajtje dhe trafikim të drogës dhe u shoqëruan në burgun e “Capanne”