Nuk arrinte dot të hante ushqime të forta prej një viti për shkak të një patologjie të rrallë, “acalasia esofaga”. Tani, pas një ndërhyrje komplekse, të realizuar në poliklinikën “Federico II”, në Napoli, vogëlushja është mirë dhe mund të hajë normalisht.
Kjo është historia e Aleksandrës, një vogëlusheje shqiptare 8 vjeçe nga Tirana, e cila mbërriti në Napoli me prindërit për t’iu nënshtruar operacionit. Tani, pasi kaloi disa ditë në spital, është rikthyer në shtëpi, në Shqipëri. Falë teknologjisë së re, mund të monitorohet në distancë.
Prindërit e Aleksandrës kërkuan një zgjidhje për problemin e vogëlushes që nuk arrinte dot të hante ushqime të forta qëkur ishte 7 vjeçe dhe kontaktuan me grupin e mjekëve në Napoli. Problemin e evidentoi patologia Annamaria Staiano, drejtoreshë e Unitetit Operativ Kompleks të Pediatrisë së përgjithshme dhe operacioni u krye nga Ciro Esposito, drejtori i UOC i Kirurgjisë Pediatrike.
“Acalasia Esofagea’ është një sëmundje e rrallë, 1 në 100.000 raste, që shfaqet zakonisht në personat e rritur, 40-60 vjeç, tepër e rrallë në moshë të mitur dhe në adoleshencë.
Simtomat më të shpeshta janë vështirësi në përtypje, në gëlltitje të lëngjeves dhe dhembje deri në mundësi mosushqyerje. Është e nevojshme që pacientët të trajtohen me teknika kirurgjikale dhe jo me medikamente.