Agjensia Kombëtare e Ujësjellës-Kanalizimeve dhe Infrastrukturës së Mbetjeve dha sot lajmin e mirë për 25 mijë banorët e Bashkisë Mat, për ato të Njësive Administrative Burrel, Derjan, Rukaj e Macukull se do të ndërtohet një ujësjellësi i ri.
Këshilli Teknik i Agjensisë Kombëtare të Ujësjellës Kanalizimeve dhe mbetjeve shqyrtoi dhe miratoi ndërtimin e ujësjellësit për t’i hapur rrugë nisjes së investimit të këtij ujësjellësi nga qeveria qëndrore.
Investimi për këtë projekt synon ndërtimin e sistemit tërësor:
-24 orë ujë të pijshëm e me cilësi për 25.000 banorë
-Rritjen e sasisë dhe presionit të ujit, 150 litra/frymë
-Ndërtimin e rrjetit të jashtëm , rrjetit të brendshëm, depo 2000 m3
-Instalimin ujëmatësave për konsumatorët
👉Investimet e qeverisë qëndrore në infrastrukturën e ujësjellësve synojnë modernizimin e tij, për të garantuar parametra e standarte bashkëkohore duke përmirësuar cilësinë e jetës së qytetarëve, duke ndikuar në zhvillimin e qëndrueshëm ekonomik.
Vetëm para pak ditësh Kryetari i Bashkisë Mat Agron Malaj dha lajmin tjetër të mirë, se në sheshin “Ahmet Zogu” dhe parkun “Geraldinë”, nisi një investim tjetër serioz.