Vëllai i Zhaneta Josifit, Selman Fejzo ka treguar detaje nga takimet e tij me motrën dhe mbesat e tij.
Fejzo pohoi se mbesën e tij të ndjerë, Anisa, nuk e kishte takuar që prej 2 vitesh, duke shtuar se nuk ishte në dijeni se çfarë sekti ndiqnin ato konkretisht.
“Anisa nuk dilte, sa herë shkonim në shtëpi na thoshin “Anisa eshte ne shtepi, po lexon e po fle”.
Nuk na shkonte kurrë mendja që do ndodhte kjo gjë. Prej kohësh nuk po kontaktoja dot me motrën. U detyrova te shkoja ne Polici, rrëfen ai për News 24. Motra me vajzën iu përgjigjën thirrjeve te Policisë.
Motra dhe Blerta i thane Policisë “Jemi ne shtepi”. Policia na tha se motra me vajzat ishin mirë. Anisën ka rreth 2 vjet pa e takuar. Në shtëpi nuk kemi ndjerë kurrë erë të rëndë. Nuk e kuptojmë arsyen e këtij akti ekstrem. Nuk kam informacion në cilin sekt fetar ishin përfshirë. Vajzat ishin me shkollë të lartë, vetëm e ëma punonte”, tha ai.
Ndërkohë, daja i dy vajzave, pohoi se interesohej shpesh për to nëse kishin probleme apo kërcënoheshin nga dikush. Ndër të tjera ai tha se bashkëshorti i motrës së tij ishte vetëvrarë para 16 vitesh, pasi i kishte rënë një trompozë, ndërsa ishte hedhur nga kati i katërt i pallatit ku jetonin.
“Interesohesha nëse kishin probleme apo kërcënime. Babai i vajzave pësoi trombozë para shumë vitesh dhe më pas vetëvra. Ai u hodh nga kati i katërt i pallatit.”-përfundoi ai.