Vogëlushi, Alvin Berisha i cili u shpëtua nga kampi Al Hol në Siri, tashmë ndodhet në Shqipëri me babain e tij për disa ditë pushime.
Babai i tij, Afrim Berisha ka ndarë disa foto në rrjetin social “Instagram” pranë Portit të Durrësit, por edhe nga ditët e pushimeve.
Alvin është duke pushuar në plazhin e Qerretit, ku po e kalon kohën me lodrat e tij të preferuara.
Vogëlushi tashmë është transformuar dhe ditët e vështira për të kanë marrë fund.
Pas largimit nga kampi Al Hol, ai iu nënshtrua një ndërhyrje kirurgjikale në këmbë.
Ai mbeti i plagosur gjatë një atentati me bombë në Siri ku fatkeqësisht humbi jetën nëna e tij.
