Brenda kanë mbetur ende gjurmët e tragjedisë. Fqinjët e pallateve përballë arrijnë t’i dallojnë me sy të lirë pas dritareve pa perde, dhomën dhe shtratin ku nëna dhe motra mbajtën në mënyrë makabre të pavarrosur vajzën tjetër.
Hetuesit gjithashtu po analizojnë blloqet dhe librat të cilat policia i gjeti në banesën e tyre mbrëmjen e së enjtes.
Po çfarë lexonte Zhaneta Josifi me vajzat?
“Dhe në qoftë se Fryma i atij që ringjalli Krishtin prej së vdekurish banon në ju, ai që e ringjalli Krishtin prej së vdekurish do t’u japë jetë edhe trupave tuaj vdekatarë me anë të Frymës së tij që banon në ju.” 《Romakëve, 8:11》
Jezui tha: «Largohuni se vajza nuk ka vdekur, por po fle». Por ata e përqeshën.
25 -Kur e nxorën turmën përjashta, ai hyri, e mori vajzën për dore dhe ajo u ngrit.
《Mateu 9:24》
Janë pikërisht këto dy fragmente nga Bibla që i kanë mbërthyer psikikën nënës dhe dy vajzave.
Në vargjet e Mateut flitet për mrekullitë që bënte Jezusi, si bir i Perëndisë, por mesa duket, keqinterpretimi i asaj çka lexonin dhe mosarsyeja apo mungesa e një procesi analizues, ka drejtuar indirekt Zhanetën dhe vajzat të përvetësonin çdo gjë që lexonin.
Shumë psikologë dhe ekspertë e vendosin këtë ngjarje në kontekstin e personave me probleme të rënda të shëndetit mendor dhe kurrsesi me çfarë shkruajnë librat e shenjtë.
Shënimet kanë përmbajtje fetare ku flitet për vetëflijimin dhe rikthimin në jetë, por mister mbetet ende përcaktimi se cilës fe apo besimi i referohen. Hetimi kompleks, përfshin edhe analizimin e aparatëve celularë dhe kompjuterave të cilët ato kanë pasur në përdorim.
Hetimet po përpiqen gjithashtu të zbardhin shtysën që pati kjo nënë të shkonte drejt vdekjes me akte përtej çdo imagjinate. / Përgatiti L.G/tirananews.al