Partia Socialiste duket se ka nisur përgatitjet për zgjedhjet e vitit 2021. Kryeministri Edi Rama ka zhvilluar gjatë ditës së sotme disa takime në “Sallën e Hartave” në Kryeministri. Takimet në fjalë kanë zgjatur prej orës 13:00 deri në 19:00.
Sipas burimeve nga Grupi Parlamentar i PS, takimet janë zhvilluar me deputetët sipas qarqeve.
Në mbledhje, Rama ka siguruar ligjvënësit se nuk do të ketë zgjedhje të parakohshme për bashkitë. Nga ana tjetër, kreu i PS ka kërkuar që të nisë mobilizimi i strukturave për zgjedhjet që do të mbahen në pranverën e vitit 2021.
“Fushata që kemi para është beteja juaj”, mësohet t’u ketë thënë Rama deputetëve.