Një hashtag shqetësues filloi të kthehej ndër më të përdorurit në Twitter së fundmi. #RipEllen po shfaqet kudo, shoqëruar me mesazhe ngushëllimi. Por na lejoni t’ju qartësojmë diçka, – moderatorja e famshme Ellen DeGeneres është gjallë dhe shëndoshë e mirë.

Por çfarë kuptimi ka ky hashtag?

Sipas New York Post, hashtagu lidhet me thashethemet që emisioni i Ellen do të anulohet, ndërsa reputancioni i saj ka qenë në rënie që kur ajo mbrojti miqësinë e saj me George W. Bush dhe nuk shkoi në ditëlindjen e Dakota Johnson.

Gjithashtu papritur dikush bëri një shaka në Twitter duke thënë se Ellen kishte ndërruar jetë. Pas kësaj një numër i madh përdoruesish në Twitter postuan foto të të famshmëve me flokë bjonde të shkurtër (si flokët e Ellen) shoqëruar me hashtagun #RipEllen dhe me shprehje si: “Do të thoja fluturo lart, por të gjithë e dimë që s’do shkosh atje” dhe “Zemra ime u thye kur lexova lajmet. Nuk mund ta përshkruaj trishtimin tim. Pushon e qetë në ferr “.

Twitteri u pushtua nga këto postime që duket se s’kanë të ndalur. Edhe pse është e qartë që kjo është një shaka, të shohësh këto postime është vërtet shqetësuese. Ellen nuk është përgjigjur rreth kësaj çështjeje. Ajo thjesht bëri një postim rreth zgjdhjeve presidenciale dhe me siguri e ka parë hashtagun trending në Twitter, por ndoshta ka zgjedhur ta injorojë.

Ku i dihet!