Juventusi mori një humbje të rëndë në mbrëmjen e djeshme përballë Milanit, e kjo më shumë për faktin se bardhezinjtë e kishin sfidën në dorë duke qenë se po udhëhiqnin me rezultatin e pastër 0-2. Por, në dhjetë minuta skuadra duket se pësoi një “black out”, nga i cili kuqezinjtë përfituan më së miri duke shënuar katër herë.
Por, disfata të tilla “Zonjës së Vjetër” nuk i ndodhin shpesh. Madje, hera e fundit kur Juventusi ka pësuar katër gola ka qenë në finalen e ligës së Kampionëve të vitit 2017, kur u mposhtën 4-1 nga Real Madridi.
Ndërkohë, për të gjetur një disfatë të torinezëve në kampionat në kuotën e katër golave, atëherë duhet të kthehemi pas me shtatë vite.
Në 2013, Fiorentina mposhtte në shtëpi ekipin e drejtuar në atë kohë nga Antonio Konte. Si për çudi, edhe në atë ndeshje bardhezinjtë udhëhiqnin me rezultatin 0-2 dhe në fund u përmbysën 4-2.
