Kryeministri i Shqipërisë Edi Rama, i është përgjigjur sërish Lulzim Bashës, i cili zbuloi një marrëveshje të fshehtë që i ishte propozuar pak muaj më parë. Në një intervistë në Top Channel, Rama është pyetur për këtë marrëveshje të fshehtë dhe tha se kjo nuk ka ndodhur asnjëherë.
Kreu i Qeverisë u shpreh se ai nuk e shikon politikën në këtë formë dhe i ka bërë thirrje Bashës që të jetë në krah të popullit dhe jo kundër tij.
“Ndihem shumë i keqardhur që politika bie në nivele të tilla. E para se nuk e shoh kështu politkën, e dyta unë nuk e kam bërë kurrë një gjë të tillë dhe e treta besoj se populli është me i zgjuar se unë dhe i duhet lënë popullit të zgjedhë kryeministrin e radhës. Unë ndihem i keqardhur dhe i bëj thirrje Bashës që të jetë në krah të popullit”, tha Rama.