Një ngjarje shumë e çuditshme ka ndodhur në Spitalin Ndërkombëtar Hai Phong në Vietnam. Një foshnje ka lindur duke mbajtur në dorë një spirale formë T të cilën nëna e tij kishte përdorur në një përpjekje të dështuar për të parandaluar shtatzëninë. Mësohet se nëna e tij kishte dy fëmijë të tjerë në kohën kur ka ngelur shtatëzënë.
Fotot e publikuara nga mediate huaja të cilat tashmë janë bërë virale shihet se si fëmija me sy mbyllur shtërngon fort pajisjen.
“Pas lindjes, mendova se mbajtja e pajisjes ishte diçka interesante, kështu që bëra një fotografi. Asnjëherë nuk kam menduar se do të marrë kaq shumë vëmendje,” tha mjeku Tran Viet Phuong.
Djaloshi i shëndetshëm ka lindur me peshë 3.2 kg dhe të dy, nëna dhe foshnja po monitorohen në spital.
IUD, e njohur zakonisht si spirale me tela bakri të mbështjellë me plastikë, futet në mitër nga mjekët dhe është 99 % efektive. Pajisja mund të mbahet për pesë vite ose më shumë dhe një grua mund të mbetet shtatzënë sapo ajo të hiqet.