Manchester United shpërdoroi një mundësi të artë për të kapur zonën Champions në renditjen e Premier League.
Gjithsesi, barazimi i fundit kundër Southampton mban në lojë “Djajtë e Kuq” për objektivin më të rëndësishëm të mbetur në këtë fund sezoni. Por, nga kualifikimi ose jo në turneun më të rëndësishëm europian për klube varet edhe “goditja” e madhe në merkaton e verës. Nuk është sekret që në krye të dëshirave të Solskjaer është Jadon Sancho.
Manchester United është gati të paguajë 120 milion euro për të blerë kartonin e talentit anglez nga Borussia Dortmund. Palët kanë një marrëveshje paraprake, ndërsa edhe vetë sulmuesi ka rënë dakord për t;u kthyer në vendlindje. Por siç zbulon e përditëshmja gjermane “Bild” pengesa e vetme ka të bëjë me Champions. Nëse Manchester United arrin kualifikimin, atëherë edhe transferimi i Jadon Sancho në Premier League është i sigurtë.