Mbërrin nën masa të larta sigurie në Gjykatën e Korcës, Myrteza Çaushi, (Zani) I cilësuar si ‘koka’ e bandës së Vlorës.
Krahas masave të rrepta në Gjykatë, policia ka bllokuar gjithashtu të gjitha rrugët kryesore të qytetit që të çojnë në Gjykatë.
LEXO EDHE: PROFIL/ Kush është Zani Caushi?
Zani Çuashi ka kërkuar liri me kusht nga Gjykata. Myrteza Çaushi referuar vendimeve gjyqësore është dënuar me formë të prerë me burgim të përjetshëm.
Neni 65 i Kodit të mëparshëm penal, para ndryshimeve të 2017, parashikon që “Vetëm në raste të jashtëzakonshme i dënuari me burgim të përjetshëm mund të lirohet me kusht kur: Ka vuajtur jo më pak se 25 vjet burgim dhe, gjatë vuajtjes së dënimit ka mbajtur sjellje shembullore dhe çmohet se i është arritur qëllimit të dënimit për edukimin e tij”. Pikërisht këtë nen, është duke shfrytëzuar ish i forti i Coles për të dalë në liri. Kjo pasi ndryshimet e fundit në Kodin penal nuk e favorizojnë atë. Kodi aktual penal, konkretisht neni 65 ku flitet për lirimin me kusht parashikon se në raste të jashtëzakonshme mund të lirohet i dënuari me burgim të përjetshëm, kur ka vuajtur jo më pak se tridhjetë e pesë vjet burgim.
Zani Caushi i ka nisur herët përpjekjet për të fituar lirinë me kusht, betejë të cilën po e zhvillon në gjykatën e Korçës. Një vit më parë, në korrik të 2019, gjykata e Korçës, pranoi një kërkesë të vlonjatit duke i përllogaritur kohën e qëndrimit në paraburgim. Referuar vendimit rezulton se njeriu i konsideruar si ‘i forti’ i Coles, u arrestua në shtator të 1997 dhe pas një beteje të ashpër që zhvilloi me gjykatën mundi të marrë pafajësinë dhe të lirohet në mars të 1999.