Anëtari i fundit i grupit që abuzonte dhe kërcënonte të renë në Krujë është arrestuar. Policia njoftoi sot se kishte prangosur Alket Bratën, i cili kishte rënë në pranga pasi ishte duke drejtuar mjetin pa leje drejtimi.
Brata akuzohet se është një ndër personat që ka abuzuar me 17-vjeçaren, por ai akuzohet dhe për vendosjen e tritolit në shtëpinë e adoleshentes. 23-vjeçari akuzohet drejtëpërdrejtë nga e reja, e cila në dëshminë e saj në Prokurori e cilëson atë si një ndër organizatorët e të gjithë ngjarjes. “…Në hotel erdhi shtetasi A. B, më dha kokainë për të pirë dhe më tha më pas të futesha në dush. Kreu marrëdhënie me mua dhe më pas ai thirri dy shokët e tij në korridor dhe ju tha të kryenin marrëdhënie me mua. Pastaj ata u larguan dhe më mbyllën derën me çelës. Mbaj mend se fjeta në të njëjtin krevat me ata të dy, A.B. më futi duart në fyt dhe më kërkoi të kryeja marrëdhënie edhe me L. Në darkë shkuam në Nikël, në një lokal, A. B mori katër persona në makinë dhe mua më ulën te prehri i njërit prej tyre që kishte bark të madh dhe që quhej L. Shkuam te shtëpia e A. B, aty ishte vetëm i ati. A. B telefonoi edhe persona të tjerë pasi konsumuan kokainë dhe nuk u mjaftoi. A. doli për të gjetur kokainë”, është kjo një pjesë e dëshmisë së vajzës ku implikohet edhe Alket Brata.