Policia bën të ditur se katër persona janë plagosur mëngjesin e sotëm si pasojë e një aksidenti në rrugën dytësore Tiranë- Durrës. Mësohet se të plagosurit kanë qenë pasagjerë në dy mjetet që janë përfshirë në aksident dhe janë dërguar drejt spitalit.
NJOFTIMI I PLOTË
Tiranë/Informacion paraprak
Më datë 23.07.202, rreth orës 07:20, në rrugën dytësore Tiranë- Durrës, janë përfshirë në aksident mjeti me drejtues P.P., me mjetin me drejtues J.P., dhe për pasojë janë dëmtuar pasagjerët D.M.,21 vjeçe, E.B., 33 vjeçe, L.M.,21 vjeçe dhe L.D., 42 vjeçe, të cilat u dërguan në spital, dhe ndodhen jashtë rrezikut për jetën.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.