Një azilkërkuesi iu ofrua 2,000 paund në muaj që të punojë për një fermë të madhe kanabisi në Didsbury.
Ledjo Basha, 25 vjeç, ishte “kopshtar”në fermë, e cila ishte instaluar në një shtëpi gjysmë të shkëputur në Rrugën Palatine.
Policia gjeti kanabis me një vlerë të mundshme prej 100,000 paund. Kishte 275 bimë kanabisi, të gjetura në pesë lokacione të ndryshme brenda ndërtesës. Oficerët zbuluan gjithashtu 77 drita dhe pajisje të tjera elektrike.
Policia hyri me forcë në pronë më 28 maj, dhe arrestoi Bashën me dyshimin se prodhonte kanabis. Në intervistë, Basha tha se kishte qenë në shtëpi për më pak se dy muaj. Gjykata dëgjoi se ai ishte ‘kopshtar’ dhe nuk kishte asnjë përfshirje në ngritjen e fermës së kanabisit. Avokati i Bashës Eleanor Gleeson tha se i pandehuri nuk mund të flasë anglisht. Ai ndoqi procedurat gjyqësore me ndihmën e një përkthyesi shqiptar.
“Ai e dinte se çfarë po bënte ishte gabim, por e bëri këtë nga dëshpërimi,” tha znj Gleeson. “Ai u transferua në këtë vend për të bërë një jetë më të mirë, dhe për fat të keq nuk ka qenë kështu.” Pasi dënoi Bashën me shtatë muaj burg, gjykatësi Nicholas Dean QC i tha atij: “Ju nuk keni luajtur një rol të rëndësishëm në rritjen e këtij kanabisi. Ju nuk u shfrytëzuat, pasi pranuat punën vullnetarisht”.
Gjykatësi tha se ishte e mundur që Basha, azilkërkues, mund të deportohet pasi të vuajë dënimin e tij, por për këtë duhet të vendosin autoritete të tjera.