Një automjet është përfshirë nga flakët, i parkuar në bodrumin e një pallati në Fier. Sipas informacionit paraprak, janë djegur dhe disa mjete të tjera parkuar aty. Ndërkaq, zjarrfikëset kanë mbërritur në vendngjarje ndërsa banorët e pallatit janë evakuar.
NJOFTIMI I PLOTË
Fier/Informacion paraprak
Rreth orës 23:50, në lagjen “15 Tetori” Fier në bodrumin e një pallati ku ka të parkuara mjete, dyshohet se në një automjet ka rënë zjarr e për pasojë janë përfshirë nga flakët edhe disa mjete të tjera.
Në vëndngjarje ndodhen punonjës të shërbimit zjarrfikës, të policisë, FNSH dhe ambulanca dhe po punohet për fikjen e zjarrit.
Shërbimet e Policisë Fier dhe të FNSH po vijojnë me shpejtësi evakuimin e banorëve nga pallati.
Grupi hetimor ndodhet ne vendngjarje dhe po punon per sqarimin e rrethanave të rënies së zjarrit.