Aktori Baris Arduç i dha fund beqarisë pasi mediat turke raportuan se ai u martua në një ceremoni private me partneren e tij, Gupse Ozay.
Sipas shtypit vendas, Gupse dhe Baris u martuan në Çeshme, aty ku po kalojnë pushimet dhe ftuan vetëm 5 persona për shkak të pandemisë së Covid-19 që nuk lejon grumbullimet.
Së fundmi, në rrjetet sociale po qarkullojnë disa foto nga kurorëzimi i tyre, ku vihet re se të dy kanë zgjedhur të jenë të thjeshtë, larg çifteve të zakonshme. Në sy bie sidomos thjeshtësia e nuses, e cila ka veshur një fustan të shkurtër të bardhë dhe një makeup minimalist. Dhe për t’i vënë vulën ka veshur atlete…
Megjithatë, në planet e çiftit është edhe një martesë e madhe dhe siç u ka hije atyre vitin e ardhshëm pas kalimit të pandemisë.
Baris, aktori me origjinë shqiptare, u bë i njohur në vendin tonë nga telenovelat “Dashuri me qira” dhe “Kuzgun”, duke u kthyer në një nga figurat më të dashura të publikut shqiptar.
Ai dhe Gupse Ozay janë në një romancë prej 6 vitesh dhe kjo e fundit ka luajtur në shumë filma e seriale, por asnjëri prej tyre nuk është transmetuar në Shqipëri prandaj edhe nuk njihet nga publiku shqiptar.
Lidhja e Baris Arduç me Gupse Ozay nuk është pritur edhe aq mirë nga fansat e aktorit. Megjithatë ai është shprehur se është shumë i dashuruar dhe këtë e vërteton edhe fakti që aktori e mbështet shumë partneren. Baris Arduç është 32 vjeç ndërsa Gupse Ozay 35 vjeç.
