Sebastian Giovinco është zyrtarisht futbollist i Al-Hilal, klub që militon në Superligën e Arabisë Saudite. Në orët e para të mëngjesit të sotëm, sulmuesi italian ka mbërritur sot në Riad aty ku është pritur nga qindra tifozë.
Ka qenë një rrëmujë e madhe e krijuar në aeroport, të gjithë kanë dalë në pritje të 32-vjeçarit, i cili la skuadrën e Toronto në Kanada për të veshur fanellën e Al-Hilal.
Transferimi i tij i kushtoi 10 milionë euro klubit arab, po 10 milionë euro në sezon do fitojë edhe vetë lojtari. Me këto shifra Giovinco bëhet lojtari i dytë më i paguar pas Graciano Pelle, i cili merr 15 milionë euro te Shandong Luneng Taishan në Kinë.
Në katër sezonet me Toronton, Giovinco bëri 142 paraqitje duke shënuar 83 gola e dha 64 asist në të gjitha garat. Ndër të tjera sulmuesi ka fituar edhe një sërë trofesh personal në MLS dhe në Kanada.