Duket si një pajisje e dalë nga fantazia shkencore si në filmin Inception, i cili manipulon atë që shoh në ëndërr. Quhet Dormio, vendoset në puls si një dorashkë plot me sensorë dhe mund të përdoret për të konsoliduar kujtimet. Ajo është publikuar në revistën Consciousness and Cognition dhe është krijuar nga shkencëtarët e Massachusetts Institute of Technology (Mit).
Pajisja mundëson atë që studiuesit e quajnë “inkubacioni i ëndrrave të shenjuara”, gjatë fazës së parë të gjumit ku flitet për një gjendje mes kufirit të gjumit dhe zgjimit e quajtur hipnogji.
“Kjo gjendje është e paqëndrueshme, e ngadaltë, fleksible dhe divergjente”, thotë neurpsikiatri, drjejtues i grupit Adam Haar Horowitz.
Hipnagjia ndan shumë nga ndjesitë e rrjedhshme dhe ëndërruese të gjumit Rem, por me një ndryshim të rëndësishëm: njerëzit ende mund të dëgjojnë dhe përpunojnë audio gjatë kësaj gjendje të ndërmjetme, pasi ato lëvizin nga zgjimi tek gjumi dhe anasjelltas.
Pajisja sjell ëndrra duke riaktivizuar kujtime specifike falë një mesazhi audio, siç demonstrohet nga një eksperiment i kryer në 49 pjesëmarrës. Kur një person bie në gjumë duke veshur pajisjen, sinjalet audio, të tilla si “Mos harroni të mendoni për një pemë”, luhen përmes një aplikacioni të shoqëruar. Pasi dëgjoi audionin, sensorët e Dormio kërkojnë të dhëna fiziologjike që tregojnë se personi ka rënë në gjumë, në këtë pikë sistemi e zgjon dhe i kërkon që të raportojë atë që ai ishte duke ëndërruar, duke regjistruar raportin falë aplikacionit. Ky proces përsëritet disa herë.