Në orën 12 kryeministri Edi Rama ka paralajmëruar një komunikim me mediat nga Kryeministria.
Edhe pse ende nuk dihet ende se për çfarë Rama do të flasë në këtë konferencë, kjo do të jetë e para pas takimeve me negociatorët ndërkombëtarë të ardhur me mision të veçantë për të rivendosur dialogun mes palëve politike, por edhe pas takimit të djeshëm me kreun e opozitës, Lulzim Bashën.
Pas takimeve të shumta edhe me ambasadorët e akredituar në vendin tonë, duket se sot Rama do të japë përgjigje për gjithë situatën që është krijuar në politikën shqiptare, ku në prag zgjedhjesh opozita ka vendosur të vazhdojë bojkotin ndërsa nuk është regjistruar për të marrë pjesë në këtë proces zgjedhor. /TiranaNews/