Një grabitje spektakolare ka ndodhur në Antwerp të Belgjikës, ku grabitësit janë treguar shumë inteligjent, pasi kanë përdorur tubat e kanalizimeve të një banke, për të hyrë brenda institucionit ku kanë marrë paratë dhe janë zhdukur duke mos lënë asnjë gjurmë.
Hetuesit belg janë duke ekzaminuar në mënyrë të specializuar tubat për të gjetur shenja të grabitësve, pasi kanë dyshime se ata kanë hyrë në një ndërtesë që ndodhej përballë bankës, nga ku më pas kanë hapur një tunel të gjatë katër metra për t’u lidhur me një tub kanalizimi, që kalonte nën një rrugë.