E mbani mend historinë e vezës që theu rekord në Instagram, aq sa mundi edhe Kylie jenner dhe u bë postimi më i pëlqyer në platformë me një total prej 52 milionë klikimesh?
Epo misteri u zgjidh.
Nëse jeni një nga 10 milonë ndjekës të vezës që u quajt Eugene, atëherë mund të keni vënë re se që nga postimi origjinal që theu internetin disa javë më parë, llogaria ka postuar foto të vezëve të ngjashme por dhe të ndryshme. Në çdo postim ishte Eugene por me nga një krisje më shumë që me kalimin e ditëve u shtuan.
Pak orë më parë në një postim të ri, llogaria bëri të ditur se veza u thye për shkak të presionit të qënit e famshme në Instagram. E në fakt ajo u bë një fushatë sensibilizuese për shëndetin mendor.
Por ajo që është zbavitëse është se vetëm më vonë u vendos ti jepej një fund, pasi e gjitha nisi si një lojë.