Situata e pazakontë në Kakavijë ka bërë që Ministrja e Mbrojtjes, Olta Xhaçka dhe drejtori i Agjencisë Kombëtare të Mbrojtjes Civile, Haki Çako janë nisur drejt pikës Kufitare.
Xhaçka do të takohet me drejtues të pushtetit vendor dhe policisë, për gjetjen e zgjidhjes sa më shpejtë të qytetarëve që prej tre ditësh presin për të kaluar kufirin në kushte ekstreme në temperatura të larta, pa ujë dhe pa kushte higjienike.
Drejt Kakavijës janë drejtuar edhe efektivë të Batalionit të Mbështetjes Rajonale të Forcave të Armatosura ku pritet të mbërrijë dhe automjeti i posaçëm me 10 mije litra ujë si dhe ekipe mjekësore për t’u ardhur në ndihmë qytetarëve të bllokuar.