Unë jetoj pranë shkollës “Petronini Luarasi” dhe sa herë kaloj aty më kap trishtimi, pasi shoh një grup me policë të grumbulluar.
Por më pas më kujtohet që është ai problem i studentëve të Juridikut që bëjnë mësim te gjimnazi “Petronini Luarasi.
Kësaj i thonë të bësh mësim me policë te koka. Mora guximin dhe i pyeta nëse kishte ndonjë problem, por më thanë se nuk kishte asgjë, por kishin urdhër të qëndronin aty deri sa mësimi të përfundonte.
Në fakt policët ose grupi i gatshëm bëjnë thjeshtë detyrën e tij, për të ruajtur rendin edhe sigurinë në një kohë kur vetëm disa ditë më parë pati përplasje me studentëve që duan të bëjnë mësim dhe atyre që nuk duan.
Po a është kjo një zgjidhje? Kuptohet fare mire se studentët vijojnë të jenë të pakënaqur edhe këtë duket se Ministria e Arsimit edhe shteti në tërësi e dinë mjaft mirë, prandaj i kanë lënë policët aty që të jenë të gatshëm më në çdo moment për çdo shpërthim “revolte” të menjëhershëme.
Në fakt ende nuk është kuptuar qartë se çfarë do të ndodhë megjithëse qeveria ka thënë se do t’ju plotësojë një pjesë të mirë të kërkesave studentëve.
Tashme nuk ka më vetëm studentë të pakënaqur që bëjmë mësim nga zori, pasi nuk duan të djegin vitin shkollor, por ka edhe pedagog të tillë.
Të qartë janë vetëm ata që kanë zgjedhur të bojkotojnë tërësisht, ndoshta është edhe një pretendim për të shtyre edhe disa ditë pa bërë mësim, por kërkesa e tyre është e formuluar mjaftë qarte rrëzim i Ligjit për Arsimin e Lartë.
Po ashtu edhe unë një gjë e kam të qartë që deri sa kjo çështje të zgjidhet grumbullin e policëve do vazhdoj t’i shoh sa herë të dal edhe të shkoj në shtëpi.