Ministri për Diasporën Pandeli Majko u shpreh se qeveria u përpoq për të menaxhuar maksimalisht situatën e pazakontë që u krijua në Kakavijë, dhe fakti që çështja u zgjidh brenda 24 orëve me mirëkuptimin e palës tjetër tregon të kundërtën asaj se si ka reaguar qeveria shqiptare, akuzave të bëra ndaj saj.
A mund të menaxhohej më shpejt situata, Majko thotë se ishte një situatë në një precipitim të pakonceptuar nga çdo palë.
“Besoj që kanë dhënë më të mirë e tyre dhe një falenderim nuk është gjë e jashtëzakonshme. Ne këtu nuk jemi duke thënë se kemi bërë ndonjë gjë të jashtëzakonshme por në një situatë kaq të pazakontë ne u përpoqëm për ta menaxhuar maksimalisht. A mund të bëhej kjo më shpejt? Mbase po u përsërit mund të bëhej dhe më shpejt por situata ishte në një precipitim të një natyre krejtësisht të pakonceptuar nga çdo palë dhe mendoj që fakti që kjo situatë u zgjidh brenda 24 orësh pas mirëkuptimit dhe të palës tjetër flet për të kundërtën e asaj si ka reaguar qeveria shqiptare. Ajo u përpoq brenda maksimumeve të veta të menaxhonte një situatë që u kjthye në emergjencë humanitare dhe kjo është arsyeja që ndërhynë forcat e armatosura”, tha ai.
Lidhur me falenderimet e tij në Facebook dhe për kontributin e Kryepeshkopit Anastas ai thotë se nuk është rrjeti social që të jepë cilësitë e asaj që “kemi bërë apo duam të bëjmë, fb është mekanizëm social po jo administrativ që vlerëson punën e gjithësecilit”.
