Bëhet fjalë për një futbollist 25-vjeçar, i cili luan si trekuartist, dhe ka zhvilluar 2 sezone të suksesshme në kampionatin elitar brazilian. Dinamovitët shpresojnë që marrëveshja të finalizohet sa më shpejtë dhe futbollisti të bëjë diferencën në Shqipëri. Blutë nuk kanë preferuar ta zbulojnë emrin e futbollistit duke e lënë enigmë…
Merkato është në pikën e saj kulminante në këtë verë të nxehtë, ndërsa drejtuesit Dinamovitë po punojnë për të bërë një afrim të bujshëm gjatë ditëve në vazhdim.
Momentalisht, në Brazil ndodhet një prej bashkëpunëtorëve të afërt të presidentit Pontrelli dhe ekipit tonë i cili po diskuton me një lojtar shumë cilësor, për të bërë të mundur afrimin e tij në Shqipëri, si pjesë e 18 herë kampionëve të vendit.
Futbollisti në fjalë është në moshën 25 vjeçare dhe luan si trekuartist. Për t’u përmendur është fakti se ka zhvilluar 2 sezone të suksesshme kampionatin Carioca, duke qenë titullar formacioni në ligën më të mirë në vendin e tij dhe është një lojtar që pritet të bëjë diferencën në vendin tonë.
Nëse bisedimet mbyllen me sukses, ai do të jetë goditja e kësaj merkatoje nga ana e klubit Blu!