Një shqiptar është gëzuar aq shumë, që është bërë baba i një vajze, saqë ka vendosur të ‘alarmojë’ të gjithë zonën ku banon. Basri Kadrija, shqiptari që jeton në Maqedoninë e Veriut, sapo ka marrë vesh se vajza e tij ka ardhur në jetë, ka marrë armën dhe ka dalë të shtijë në ajër.
Siç shihet edhe në videon e mëposhtme, Kadrija qëllon në ajër me armë, siç zakonisht, shqiptarët e shprehin gëzimin në dasma e lindje.
“Falënderimi i takon Allahut që pas 3 vitesh me gëzoi me një vajzë. Kush ka, Allahu ua ruajt, kush s’ka Allahu i dhasht,”– shkruan Kadrija në Facebook, krah videos që gjuan me armë, të cilën e ka publikuar vetë ai në profilin e tij.
Gjithsesi, “gëzimi” i madh mund ta çojë edhe pas hekurave shqiptarin.