Është lënë i lirë Rois Babasi, djali i ish-deputetit të PD, Ndriçim Babasi, i cili u përfshi në sherrin e ndodhur në zonën e ish-Bllokut në datën 16 korrik.
Është lënë i lirë Rois Babasi, djali i ish-deputetit të PD, Ndriçim Babasi, i cili u përfshi në sherrin e ndodhur në zonën e ish-Bllokut në datën 16 korrik.
Rois Babasi mbeti i plagosur me thikë nga Gazmir Bushaj, truproja i Fatmir Hysenbelliut, ndërsa Gjykata e Tiranës mori vendimin “Arrest me burg” për të riun, i cili nuk ka ndenjtur asnjë ditë në qeli, për shkak se ka qenë i shtruar në spital pas plagës së marrë.
Ndërkohë në kërkim nga policia është Even Babasi, djali tjetër i ish deputetit të PD, i cili qëlloi me armë zjarri Gazmir Bushaj, duke e plagosur në këmbë.
Ndaj Even Babasit, prokuroria e Tiranës ka ngritur dyshimet për akuzën e “Mbajtjes pa lejë të armëve” dhe “Plagosjes së rëndë me dashje”, ndërkohë që vazhdojnë kërkimet për arrestimin e tij.
Ndërkohë i proceduar për “Plagosje të lehtë me dashje” në dëm të Rois Babasit, është ish-polici dhe tashmë bodigardi Gazmir Bushaj.