Qeveria ka miratuar projektligjin e ri për sponsorizimet, duke synuar rritjen e financimit të sportit, artit dhe kulturës përmes mbështetjes së biznesit.
Projektligji parashikon që deri në 30% e tatimit mbi fitimin të mund të zbritet drejtpërdrejt për bizneset që sponsorizojnë në këto fusha.
Ndërsa skema sipas draftit parashikon deri në 2 miliardë lekë në vit si tavan në dispozicion të financimit të artit, kulturës dhe sportit përmbi programet vjetore të buxhetit të shtetit.
Ndërsa është parashikuar edhe krijimi i një regjistri të posaçëm elektronik për të pasur më shumë transparencë mbi këto sponsorizime në të cilën do të listohen bizneset.
Ndërkohë një nismë e ngjashme është depozituar edhe nga kryetari i grupit parlamentar të PS-së, Taulant Balla së bashku me deputetin socialist Erion Braçe.
Edhe në këtë nismë parashikohet që bizneset që sponsorizojnë veprimtari publike në fushat e artit, kulturës dhe sportit, të cilët paguajnë tatim mbi fitimin sipas ligjit, shuma e sponsorizuar u zbritet deri në masën 30% përqind të tatim fitimit, të vitit paraardhës fiskal.
Të ardhurat nga sponsorizimi janë të ardhura të patatueshme për përfituesin e sponsorizimit.
Biznesi që nuk përfiton këtë zbritje të TVSH ka të drejtë të bëjë ankim administrativ pranë Drejtorisë së Përgjithshme të Tatimeve brenda 30 ditëve nga data e komunikimit nga organi tatimor përkatës.
Kundër vendimit mund të ushtrohet ankim administrativ dhe gjyqësor sipas legjislacionit në fuqi për procedurat administrative dhe gjykimin administrativ.